«Student Energy Challenge-JUNIOR» байқауының нәтижелері
29 қыр. 2021
Үстіміздегі жылдың 23-24 қыркүйек күндері «KAZENERGY» қауымдастығы мен «Шелл Қазақстан» компаниясы Қазақстан Республикасының барлық аймағынан қатысқан колледж оқушылары арасында өткізілген тұңғыш «Student Energy Challenge-JUNIOR» байқауының ақтық сынын өткізді. Онлайн режимде өткізілген байқаудың финалдық кезеңіне өтініш берген 45 командадан 18 команда іріктелініп алынған еді.
Баршаға мәлім болғандай, ұйымдастырушылар 2017 жылдан бері ҚР жоғары оқу орындары студенттері арасында өткізіліп келе жатқан көпшілікке белгілі «Student Energy Challenge» байқауының 5-жылдық мерейтойын тойлау шеңберінде колледж оқушылары үшін қосымша компонент ретінде «Student Energy Challenge-JUNIOR» байқауын 2021 жылдың басында өткізе бастады.
Байқау тақырыптары энергетика, мұнай және газ, тау-кен өнеркәсібі, әрі қоршаған ортаны қорғау мен экология салаларын қамтитын идеяларды дамытуға бағытталған еді.
Жобаларды қорғау нәтижесінде 2021-2022 оқу жылы кезінде әр команда мүшесіне төленетін айлық шәкіртақы қоры белгіленген «Student Energy Challenge-JUNIOR» бірінші маусымының келесі жеңімпаздары анықталды:
- 1-ші орын – І. Жансүгіров атындағы Жетісу мемлекеттік колледжінің «Zhansugurov college» командасы, сыйлық шәкіртақы қоры 40 мың теңге;
- 2-ші орын – Тасымалдау және коммуникациялар жоғары колледжі МКК-нің «Spark» командасы, сыйлық шәкіртақы қоры 35 мың теңге;
- 3 место – Павлодар химия-механика колледжінің «Ecochem project» командасы, сыйлық шәкіртақы қоры 30 мың теңге.
Командаларды жеңістерімен құттықтаймыз!