ҚАЗАҚСТАНДЫҚ СТАРТАП ИННОВАЦИЯЛАР САЛАСЫНДАҒЫ ЖАҺАНДЫҚ ШЕЛЛ БАЙҚАУЫНЫҢ ЖҮЛДЕГЕРІ АТАНДЫ
17 қар. 2020
«Kunde Social Café» жобасының негізін қалаушысы Мәулен Ахметовтың «Shell LiveWIRE» кәсіпкерлікті қолдау бағдарламасының аясында өткен Шелл концернінің «Ең үздік он новатор» жаһандық байқауының жүлдегері ретінде атанғанын хабарлауға аса қуаныштымыз. Аталмыш байқаудың мақсаты – инновациялар саласында айтарлықтай жетістіктерге қол жеткізген компанияларға қолдау көрсетіп, оларға халықаралық деңгейде көрінуге мүмкіндік беру.
2020 жылы байқаудың тақырыбы «Өзің өмір сүргің келетін әлемді жаса!» болды. Аталмыш тақырып үш категориядан тұрды: энергетикалық ауысым, қоршаған орта мен циркулярлық экономика және жергілікті қауымдастықтардың әл-ауқаты.
«Kunde Social Café» жобасы әлемнің 15 еліндегі 136 бәсекелестерінен басып озып, «Жергілікті қауымдастықтардың әл-ауқаты» категориясында 2-ші орынды иеленді.
Әр категория жеңімпаздарына 20 мың АҚШ доллары, ал жүлдегерлерге 10 мың АҚШ доллары көлемінде сыйақы берілді. Сонымен бірге, COVID-19 індетінің әлеуметтік-экономикалық салдарымен күреске ерекше үлес қосқан компанияға қосымша 10 мың АҚШ доллары көлемінде сыйақы табысталды. Он жеңімпаздың барлығына Шелл сарапшылары тарапынан консультативтік қолдау алуға, әрі концерннің нарықтық байланыстарына қосылуға және Шеллдың қамтушылары немесе клиенті болуға мүмкіндік берілді.
«Kunde Social Café» командасын осы жетістікпен шын жүректен құттықтап, қазақстандық кәсіпкерді жаһандық «Он үздік новатор» байқауының жеңімпаздары қатарында көруге қуаныштымыз.