Автомобильшілерге
Таза қозғалтқыш жақсы жұмыс істеп, ұзақ уақыт қызмет етеді, сондықтан Белсенді Жуғыш Қоспалары бар Shell Helix мотор майларынан басқа қозғалтқышты таза ұстаудың өзге тәсілі жоқ.
Автомобильшiлерге«Шелл» Қазақстанда
«Шелл» концернінің Каспий өңіріндегі қызметі компания бірінші болып Бакуден Оңтүстік-Шығыс Азияға керосин жеткізе бастаған 130 жылдай бұрын басталды. 90-шы жылдардың басында компания елдің көмірсутек ресурстарын бағалауға атсалысып, Қазақстандағы өз қатысуын белгілеген алғашқы шетелдік инвесторлардың қатарында болды және мұнай-газ секторының дамуында жетекші роль атқарды.
Қазіргі уақытқа дейін 18 миллиард АҚШ долларынан астам сомаға инвестиция салған «Шелл» концерні Қазақстан Республикасындағы ең ірі шетелдік инвесторлардың бірі болып табылады. 2023 жылы компания Қазақстан Республикасындағы 30 жылдық мерейтойын атап өтеді.
«Шелл» концерні Қазақстандағы үш жобаға қатысады:
- Қарашығанақ кен орнының өнімін бөлу туралы түпкілікті келісім (қатысу үлесі – 29,25 %);
- Солтүстік Каспий бойынша өнімді бөлу туралы келісім (қатысу үлесі – 16,81 %);
- Каспий Құбыр Консорциумы (қатысу үлесі – 7,4 %).
«Шелл» әлемде
Біз қызметімізді төрт бағыт бойынша жүргіземіз: геологиялық барлау және көмірсутегілерді өндіру (Upstream), сұйытылған табиғи газды өндіруді қоса есептегенде табиғи газ ресурстарын кешенді игеру (Integrated Gas & New Energies), мұнай өңдеу және дайын өнімді сату (Downstream) және жобалар мен технологиялар (Projects &Technology).
Жалпы «Шелл» концернінде әлемнің 70-тен астам елінде 80 мыңнан астам адам жұмыс істейді. Әлемде энергияға деген сұраныс өсіп келеді және «Шелл» концерні адамзатты энергиямен барынша тиімді және экологияға ықпалсыз қамтамасыз етуде шешуші роль атқарып қана қоймай, бұл мәселені әлеуметтік жауапкершілік қағидаларына сәйкес шешіп келеді.
Upstream
Геологиялық барлау және көмірсутегілерді өндіруде (Upstream) біз назарымызды сұйық көмірсутегілер мен табиғи газдың жаңа қорларын игеру мен жүзеге асыру кезінде лицензия иелеріне біздің технологияларымыз бен бірегей тәжірибеміз қосымша құн беретін жаңа ірі жобаларды дамытуға аударамыз.
Integrated Gas & New Energies
Сұйытылған табиғи газды өндіруді қоса есептегенде табиғи газ ресурстарын кешенді игеру саласында (Integrated Gas) біз басты назарды сұйытылған табиғи газды өндіруге және газ-сұйықтық конверсиясына аударамыз. Сұйық күйінде газды қауіпсіз түрде сақтап, бүкіл әлем бойынша нарықтарға тасымалдауға болады. Көмірсутегі үлесі төмен экономика саласында зерттеулерді жүргізу және жаңа жобаларға инвестиция жасау мақсатында газды кешенді өндіру мен сұйытылған табиғи газды өндірудің жаңа салалары ашылды (New Energies).
Downstream
Мұнай өңдеу және дайын өнімді сату саласында (Downstream) біз күнделікті тұрмыста, өнеркәсіпте және көлікте қолданылып, бүкіл әлем бойынша сатылатын мұнай өнімдерінің кең ауқымын өндіреміз. «Шелл» концернінің Солтүстік Америкадағы құрамында мұнай бар құмды игеру жұмыстары да мұнай өңдеу және дайын өнімді сатумен айналысатын ұйымның бөлігі болып табылады.
Projects & Technology
Жобалар мен технологиялар (Projects & Technology) – ғылыми зерттеу және тәжірибе жүргізу саласындағы жаңа жобаларды дайындау мен жалпы барлық жұмыс үшін жауап беретін бағыт. Бұл келшекте ірі инвестицияларды қажет етпейтін инновациялық технологияларды жасауға мүмкіндік береді.
