Корпоративтік тапсырыс беруші, жеткізуші, серіктес немесе инвестор

Осы Құпиялылық туралы хабарлама нені қамтиды?

Осы Құпиялылық туралы хабарлама біздің корпоративтік клиенттерімізге (B2B), жеткізушілерімізге, іскерлік серіктестерімізге (соның ішінде Shell компаниясы басқармайтын бірлескен кәсіпорындар аясында), Shell белгілі бір веб-сайттары мен порталындағы келушілерді қоса алғанда акционерлерге жұмыс істейтін немесе жоғарыда аталған субъектілердің атынан жұмыс істейтін адамдарға қатысты Shell компаниялар тобындағы (бұдан әрі — «Shell» немесе «біз») компаниямен немесе компаниялармен өңделетін дербес деректер туралы ақпаратты қамтиды.

Бөлшек сауда клиенттері: Құпиялылық туралы хабарлама — Автомобиль әуесқойлары — Бірыңғай кіріс [www.shell.com] тармағына жүгініңіз. Shell компаниясына жұмысқа орналасу үшін келетін, қызметкерлер құрамын жинау жөніндегі іс-шараларға қатысатын немесе бағалаудан өтетін тұлғалар: www.shell.com/careers парақшасындағы Құпиялылық туралы хабарлама — Қызметкерлер құрамын жинау тармағына жүгініңіз.

Осы Құпиялылық туралы хабарлама сияқты, жергілікті құпиялылық туралы хабарламалар да, біздің қызметіміз жүзеге асырылатын әртүрлі елдерде ерекшеленеді және қолданыстағы заңнаманы ескере отырып, жергілікті тәжірибелер мен құқықтық талаптарды айқындайды.

Осы хабарламада қандай дербес деректер өңделетіні, қандай мақсаттар үшін өңделетіні, дербес деректерді қаншалықты ұзақ бойы сақтайтынымыз, жеке дербес деректерге қолжетімділікті қалай алуға және жаңартуға болатыны, және қосымша ақпаратты қайдан алуға болатыны түсіндіріледі.

Ерекше хабарлама — егер сіз 14 жасқа жетпесеңіз. Балалардың дербес ақпаратын өңдеу

Егер сіз 14 жасқа жетпесеңіз (немесе одан да көп, егер құпиялылық туралы кез келген жергілікті хабарламада көрсетілсе), бізге дербес деректеріңізді жібермеңіз (мысалы, атыңыз,мекенжайыңыз және электрондық поштаңыздың мекенжайы). Егер дербес деректеріңізді ұсынуды талап ететін (мысалы, білім беру және инновациялық іс-шаралар үшін) қандай да бір тәсілмен Shell компаниясымен байланысуды қаласаңыз, өз ата-анаңыздан немесе қамқоршыңыздан бұл әрекеттерді сіздің атыңыздан жасауын сұраңыз.

Қандай дербес деректер өңделеді?

Біз, корпоративтік клиенттерімізге, жеткізушілерімізге, іскерлік серіктестерімізге (соның ішінде Shell компаниясы басқармайтын бірлескен кәсіпорындар аясында), мүдделі тараптарға және/немесе инвесторларға жұмыс істейтін немесе жоғарыда аталған субъектілердің атынан жұмыс істейтін тұлғалардан және оларға қатысты тұрғыда алынған дербес деректердің келесі санаттарын өңдейміз:

Жеке байланыс ақпарат (мысалы, пошталық мекенжайы немесе электрондық поштаның мекенжайы мен телефон нөмірі) қажет болса;
Іскерлік байланыс ақпарат және басқа деректер (мысалы, лауазымы, бөлімі, ұйымның атауы және сіздің Shell компаниясымен өз атыңыздан немесе тиісті корпоративтік клиент, жеткізуші, іскерлік серіктес және/немесе инвестор арқылы қарым-қатынасыңыз);

Сонымен қатар, құқықтық және нормативтік міндеттемелерді сақтау, Shell компаниясының активтері мен қызметкерлерін/мердігерлерін сақтау, атап айтқанда, Shell компаниясының сауда бақылауы, ақшаның жылыстауымен және/немесе парақорлықпен және сыбайлас жемқорлықпен күрес саласындағы заңнама талаптарына сәйкестігін қамтамасыз ету үшін, сондай-ақ өзге де нормативтік талаптардың орындалуы үшін, келісім-шартты жасаудан бұрын және келісім-шартты жасаған соң үнемі әрекеттегі іскерлік контрагенттерімізді және әлеуетті іскерлік контрагенттерімізді тексереміз. Бұл арада, директорлар, лауазымдық тұлғалар, жеке кәсіпкерлер, акционерлер мен біздің ағымдағы және әлеуетті контрагенттеріміздің акционерлері мен мүдделі тараптары сияқты адамдар тексеріледі. Тексеріс көпшілікке қолжетімді және үкіметпен жарияланған санкциялар тізімдері және ақпараттың бұқаралық ақпарат құралдары арқылы өткізіледі.

Тексерілетін деректер, Shell компаниясының заңды және нормативтік міндеттемелерді жергілікті заңнамада рұқсат етілген немесе талап етілетін шамада орындауын қамтамасыз ету үшін ғана болжалды және нақты қылмыстық әрекет, соттылық немесе қылмыстық және/немесе заңсыз әрекетке қатысты тергеу туралы дербес деректерді қамтуы мүмкін.

Тексеріс, контрагенттер немесе әлеуетті контрагенттерге қатысты шешімнің автоматты түрде қабылдануына әкелмейді.

Кез келген алған дербес деректер үшін кім жауапты?

Карел ван Биландтлаан 30, 2596 HR, Гаага, Нидерланд (Carel van Bylandtlaan 30, 2596 HR, the Hague, the Netherlands) мекенжайы бойынша 27155369 тіркеу нөмірімен Нидерландыда тіркелген Shell International BV компаниясы немесе сіздің орналасқан жеріңізге байланысты Shell компаниялар тобында бір және/немесе бірнеше компанияларды ұсынатын компания.

Дербес деректер қандай мақсатпен жиналады?

Осы Құпиялылық туралы хабарлама таралатын дербес деректерді келесі мақсаттарда өңдейміз:

(немесе, ол тікелей байланысты болса, екінші мақсат үшін, мысалы ақпаратты сақтау немесе жою).

Дербес деректерді өңдеудің заңды негіздемелері қандай?

Осы Құпиялылық туралы хабарламамен көзделген дербес деректер төмендегі жағдайларда өңделеді:

адамның шартты жасауға өтініші бойынша әрекеттерді жүзеге асыру үшін ғана;
Shell тиісті компаниясы/компаниялары сақтауға міндетті заңды немесе нормативтік міндеттемелерді сақтау қажет болса;
осындай мүдделер адамның (адамдардың) мүдделерімен немесе негізгі құқықтары және бостандықтарымен тұспа-тұс келетін жағдайларды қоспағанда, Shell тиісті компаниясы/компаниялары көздейтін заңды мүдделерінің мақсаттары үшін қажет болса; немесе
(бұл заң бойынша талап етілсе ғана) адамның тікелей келісімімен.

Деректерді өңдеу сіздің келісіміңізге негізделсе және өзге мақсаттарды көздейтін қолданыстағы жергілікті заңнамаға сәйкес болған жағдайларда, сіз кез келген уақытта өз келісіміңізден бас тарта аласыз. Келісімді қайтарып алған сәтке дейін, бұл өңдеудің дәйектілігіне әсер етпейді.

Дербес деректерді кімге бере аламыз?

Осы Құпиялылық туралы хабарлама таралатын дербес деректер жоғары келтірілген мақсаттар үшін ғана өңделеді және қатаң қызметтік қажеттілік кезінде берілуі мүмкін:

Shell компаниялар тобының құрамындағы басқа компанияларға;
Уәкілетті бөтен мердігерлерге, Shell компаниясының қызметтерін жеткізушілерге және/немесе қосалқы мердігерлеріне;
Shell тиісті компаниясы/компаниялары сақтауы тиіс заңи немесе нормативтік міндеттемені сақтау қажет болған немесе бұған қолданыстағы жергілікті заңнамаға сәйкес рұқсат берілген кезде, құзыретті мемлекеттік органға, үкіметтік, реттеуші немесе салық органына.

Дербес деректерді беру

Егер дербес деректер Shell тобының компанияларына және/немесе сіздің еліңізден тыс орналасқан (соның ішінде Еуропалық экономикалық аймақтан тыс) уәкілетті үшінші тұлғаларға берілсе, сіздің дербес деректеріңіз жоғарыда көрсетілген мақсаттар үшін ғана өңделуін және сіздің дербес деректеріңізді сақтау үшін тиісті қорғау шаралары қолданғанын қамтамасыз ету үшін ұйымдық, келісім-шарттық және заңды шараларды қолданамыз. Бұл шаралар Shell тобының ішінде деректерді беру тұрғысынан Міндетті корпоративтік ережелерді және Еуропалық комиссиямен бекітілген деректерді сақтаудың тиісті деңгейін қамтамасыз етпейтін, сондай-ақ, кез келген қосымша жергілікті заңнамалық талаптарды қамтитын елдерде деректерді үшінші тұлғаларға берудің тетіктерін қамтиды. Бұл ақпараттың көшірмесін privacy-office-SI@shell.com мекенжайына жазып, алуға болады.

Дербес деректерді ұсынбаудың салдары қандай?

Shell компаниясы осы үдерістер үшін алатын дербес деректер тура немесе жанама түрде төмендегілер үшін қажет:

Заңи талаптарды орындау және/немесе олар контрагентпен шарт жасау үшін және осындай контрагентпен шарттық қатынастарды жалғастыру үшін қажет болған кезде.
Корпоративтік клиенттермен, жеткізушілермен және іскерлік серіктестермен, веб-сайтқа келушілермен және инвесторлармен байланысты сақтау үшін.

Бізге қажетті ақпаратты ұсынбау, сізбен өзара іс-қимыл жасауымызға, немесе сіздің контрагентпен шарт жасау немесе онымен шарттық қатынастарды жалғастыру мүмкіндігіңізге кері әсерін тигізуі мүмкін.

Дербес деректер қанша уақыт бойы сақталады?

Корпоративтік клиенттермен, жеткізушілермен және іскерлік серіктестермен келісімдер жасауға және орындауға не болмаса ұсыныстар немесе тендерлерді қарауға арналған кез келген дербес деректер шарттық қатынастың мерзімі бойы және оларды тоқтатқан соң 15 жылға дейін сақталады. Мерзімі бес жылдан артық келісімдер кезінде және жоғарыда баяндалған мақсаттар үшін, осы келісімдер күшіне енген сәттен бастап 35 жыл бойы сақталады.

Жоғарыда баяндалған мақсаттар үшін барлық жағдайларда, Shell компаниясымен жіберілген қабылданбаған кез келген ұсыныстардың бөлігі ретінде алған немесе көпшілікке қолжетімді немесе үкіметпен жарияланған санкциялар тізімі және бұқаралық ақпарат құралдарының көздерімен тексерілуге жататын дербес деректерді алғаш рет алған сәттен бастап 15 жылдан аспай сақтайды.

Барлық жағдайларда ақпарат: а) бұл үшін заңи немесе заңды негіздемелері болса (заңи немесе заңды негіздемелер бойынша енді талап етілмеген соң жойылады) аса ұзақ мерзім бойы немесе ә) адам өз дербес деректерін өңдеуден бас тартса және бұл деректерді сақтауға арналған заңды мақсаты жоқ болса аса қысқа мерзім бойы сақталуы мүмкін.

Өз дербес деректеріме қалай қол жеткізе аламын?

Біз, сіздің ақпаратыңыздың дәлме-дәл болуына ұмтыламыз. Адамдар дербес деректерге қолжетімділік алуы мүмкін, дербес деректерді түзетуге немесе жоюға (егер заңды коммерциялық мақсаттар үшін қажет болмаған жағдайда ғана) жүгіне алады және дербес деректердің өңделуін шектеуді сұрай алады. privacy-office-SI@shell.com мекенжайына жүгініңіз

Қосымша ақпарат алу үшін кімге хабарласа аламын?

Егер сізде өз дербес деректеріңізге қатысты қандай да бір сұрақтар, өтініштер немесе шағымдар туындаса, Privacy-Office-SI@shell.com арқылы жүгініңіз немесе Shell International B.V., Гаага, Нидерланд — Сауда тізілімі № 27155369 мекенжайы бойынша орналасқан Shell тобының ақпаратты сақтау қызметінің басшысымен байланысыңыз, хат-хабарға арналған мекенжай: PO Box 162, 2501 AN, The Hague.

Егер Shell компаниясының сіздің дербес деректеріңізбен жұмыс жасауына қанағаттанбасаңыз, деректерді сақтау жөніндегі сіздің уәкілетті ұйымыңызға немесе Prins Clauslaan 60, 2595 AJ, Гаага, Нидерланд мекенжайы бойынша орналасқан деректерді сақтау жөніндегі Голландиялық қызметке шағымдана аласыз. Қосымша ақпаратты https://autoriteitpersoonsgegevens.nl/en веб сайтынан алуға болады.

Жергілікті Құпиялылық туралы хабарламалар, сондай-ақ деректерді сақтау жөніндегі уәкілетті орган туралы толығырақ ақпаратты деректерді сақтау жөніндегі жергілікті қызметтің басшысынан (егер ондай болса) алуға болады. Сізге байланыс деректерді мүмкін болса, Privacy-Office-SI@shell.com мекенжайына келген сұрау бойынша бірден ұсына аламыз.

Cookie-файлдар және ұқсас технологиялар

Shell компаниясы Shell веб-сайтына кірген кезде ақпаратты жинауға және сақтауға арналған cookie-файлдар мен ұқсас технологияларды қолдана алады. Соның арқасында, Shell компаниясы, біздің веб-сайттарымызға кіру кезіндегі қолданудың ыңғайлылығын жақсартуымыз үшін сіздің интернет-шолғышыңызды сәйкестендіріп, біздің веб-сайтымызды қолдануыңыз туралы, сіз кіретін сайттар туралы, оларға кіру уақыты туралы деректерді жинай алады және оралу кезінде сізді сәйкестендіре алады. Сіздің cookie параметрлерін басқаруыңыз және өз браузеріңіздің теңшелімдерінде оларды өзгертуіңіз мүмкін. Қосымша ақпарат алу үшін http://www.shell.com/cookie-policy.html парақшасында cookie-файлдарына қатысты Shell компаниясының саясатын қараңыз.