Әуесқой автомобильші, тұрақты клиент, Shell қолданбасының пайдаланушысы

Бұл хабарламада бізге қандай дербес деректердің қандай мақсатқа қажет екені және осыған байланысты туындайтын сіздің құқықтарыңыз көрсетілген.

Осы Құпиялылық саясаты не нәрсеге қолданылады?

Осы Құпиялылық туралы хабарламада Shell («Shell» немесе «біз») компаниялар тобына кіретін компаниядан немесекомпаниялардан немесе олардың атынан қызметтерді пайдалану және (немесе) өнімдерді сатып алу кезінде мейлі:

(i) ритейлер, энергоресурстарды тұтынушы немесе электр көлігін пайдаланушы;
(ii) Club Smart, Shell Go +, SHARE бағдарламасы секілді Shell адалдық бағдарламасының немесе сіздің өңірде қолданылатын ұқсас бағдарламаның («Shell адалдық бағдарламасы») қатысушысы;
(iii) Shell веб-сайтына («Веб-сайт» немесе «Shell веб-сайты») кіруші; және (немесе)
(iv) Shell қосымшаларының («Shell қосымшасы)» кез келгенін пайдаланушы болсын, сіздің дербес деректеріңіздің өңделуі туралы ақпарат қамтылған.

Осы Хабарламалар біз жұмыс істейтін барлық өңірлердегі Shell компаниясының сайттарында жергілікті тілдерде де қолжетімді және тиісті жағдайларда жергілікті талаптарға берілген сілтемені қамтиды.

Shell компаниясының сіздің дербес деректеріңізді қалай өңдейтіні туралы қосымша ақпарат осы Құпиялылық туралы хабарламада да, құпиялылық туралы арнайы хабарламаларда да және құпиялылық туралы қосымша ережелерде қамтылуы мүмкін. Бұл, мысалы, сіз энергия тұтынушысы немесе электр көлігі пайдаланушысы болсаңыз қолданылады. Мұндай жағдайларда құпиялылық туралы аталған хабарламалар сізге бөлек жолданатын болады. Құпиялылық туралы осы хабарламалар біз жұмыс істейтін елдерге қарай өзгешеленуі және жергілікті қағидалар мен заңнаманың талаптарына сәйкес келуі мүмкін.

Осы Құпиялылық туралы хабарламада біздің сіз туралы қандай дербес деректерді өңдейтініміз, сіздің дербес деректеріңізді не үшін және қандай мақсаттарда өңдейтініміз, сіздің дербес деректеріңізді қаншалықты ұзақ сақтайтынымыз, өздеріңіздің дербес деректеріңізге кіру рұқсатын қалай алуға болатыны және оларды қалай жаңартуды, сондай-ақ осы дербес деректер үшін қандай мүмкіндіктердің қолжетімді екені және қосымша мәліметтер алу үшін қайда хабарласу керектігі түсіндіріледі.

Егер балалардың дербес деректерін ұсыну талап етілсе, онда алдын ала ата-анасының немесе қамқоршысының келісімін алу керек.

16 жасқа толмаған адамдарға арналған арнайы хабарлама. Балалардың дербес деректерін өңдеу

Әдетте біз 16 жасқа толмаған адамдардың дербес деректерін ұсынуды сұрамаймыз. Shell компаниясы тікелей балаларға арналған білім беру іс-шараларын ұйымдастыратын жағдайлар айрықшалықты құрайды. Егер сіз 16 жасқа толмаған болсаңыз (немесе жергілікті заңнамалық талаптарға сәйкес белгіленген және сіздің аймағыңыздағы Shell сайтында көрсетілген басқа жас), бізге сіздің дербес деректеріңізді, мысалы, аты-жөніңізді, үй мекенжайын және электрондық пошта адресін жіберудің қажеті жоқ. Егер Shell компаниясымен өзара әрекеттесу жеке деректерді міндетті түрде ұсынуды (мысалы, білім беру немесе инновациялық бағдарламалар үшін) қарастыратын болса, мұны сіздің атыңыздан жасау үшін ата-анаңызға немесе қамқоршыңызға хабарласыңыз.

Бұл бөлімде сіздің дербес деректеріңізді жинайтын әртүрлі дереккөздер сипатталған.

Біз нақты қандай дербес деректерді өңдейміз? Ақпарат жинау

Біз жинайтын ақпаратта Shell клиенті, Shell қосымшасын пайдаланушы және (немесе) Shell веб-сайтына немесе әлеуметтік желілердегі Shell парақшасына («Әлеуметтік желілердегі Shell парақшасы») келуші ретінде сіз туралы дербес деректер қамтылады. Мұндай ақпаратқа мынадай деректер жатады:

• Өзіңіз ұсынған ақпарат. Shell есептік жазбасының профилін жасау кезінде біз сіздің атыңызды, электрондық пошта адресіңізді және жынысыңызды (біз сізге дұрыс хабарласа алу үшін, бірақ бұл ақпаратты беру міндетті емес), сізбен байланысу тәсілін және кез келген бақылау сұрақтарына жауап беруге қажетті деректерді сұраймыз. Егер сіз адалдық бағдарламасының қатысушысы, Shell қосымшаларын, Shell Drive сервистерін немесе Shell мобильді төлемдерін пайдаланушы болуға шешім қабылдасаңыз, біз сізден осындай сервистерді қамтамасыз ету және (немесе) түпнұсқалығын растау үшін қосымша дербес деректерді, мысалы: көлік құралының түрін, жүргізуші деректерін, туған күнді (ақпарат жинау кезінде қажет болса), байланыс тәсілін және ұялы телефон нөмірін ұсынуды сұрата аламыз.
• Сіздің Shell сервистерін пайдаланғаныңыздың арқасында біздің алатын ақпарат. Біз сондай-ақ Shell қызметтері мен өнімдерін қалай және қайда пайдаланатыныңыз немесе сатып алатыныңыз туралы ақпаратты жинаймыз. Мұндай ақпарат электронды құрылғылар туралы деректерді, IP-адрестерді, жүйеге кіру деректерін, браузердің түрі мен артықшылықтарын, орналасқан жерін, cookie және осыған ұқсас технологияларды қосуға арналған онлайн-сәйкестендіргіштерді қамтуы мүмкін. Сатып алу тарихы (і) нақты сатып алынатын өнімге, (ii) транзакция үшін сатып алудың жалпы сомасына, (iii) жасалатын сатып алудың уақыты мен орнына және (iv) пайдаланылатын төлем тәсіліне, соның ішінде Shell қосымшасына енгізілген әдістерге (мысалы, мобильді төлемдер) қатысты деректерді қамтиды;
• Егер сіз Shell адалдық бағдарламасының қатысушысы болсаңыз, біз сіздің осы бағдарламаларға қатысқаныңыз туралы ақпарат, соның ішінде таңдалған марапаттың түрі мен сипаттамасы, (ii) алынған марапаттар, (iii) жұмсалған ұпайлар саны, (iv) ұпайларды есептен шығару жиілігі мен уақыты және (v) марапатты жеткізу әдісі (егер сіз марапатталған болсаңыз) туралы деректер жинаймыз. Егер сіз Shell Drive пайдаланушысы болсаңыз, біз сіздің сапарларыңыздың деректерін, соның ішінде автомобильдің координаттарын, жылдамдықты және үдеуді жазып аламыз және оларды басқа пайдаланушылардың деректерімен салыстырамыз (егер сіз осындай ақпаратты, соның ішінде орналасқан жеріңіз туралы деректерді жинауға келіссеңіз);
• Сыртқы көздерден алынған ақпарат - сізге ең жақсы өнімдер мен мамандандырылған қызметтерді ұсына алу үшін біз сіз туралы ең өзекті ақпаратты иеленуіміз керек, сондықтан біз өзімізде сақтаулы тұрған сіз туралы ақпаратты жұртшылыққа қолжетімді немесе уәкілетті үшінші тұлғалар (мысалы, Experian немесе Acxiom секілді) арқылы алынған қосымша ақпаратпен біріктіреміз. Бұған сіздің сатып алу әдеттеріңіз және сіз пайдалана алатын соларға байланысты өнімдер немесе қызметтер туралы ақпарат кіреді, мысалы, сізге тиесілі автомобильдердің саны немесе сізді қызықтыратын автомобильдердің түрлері; немесе
• Әлеуметтік желілердегі парақшалардан алынған ақпарат - әлеуметтік желілердегі Shell парақшасы арқылы бізбен хабарласқан кезде (мысалы, түсіндірме қалдыру, хабарлама жасау немесе хабарламаларға жауап беру, медиа жүктеу, жеке хабарлама жіберу немесе әлеуметтік желілердегі Shell парақшасына жазылу) біз сіздің пайдаланушының аты, профиль суреті, туған қала, электрондық пошта адресі және жынысы секілді жеке деректеріңізді ала аламыз. Біз осы Құпиялылық туралы хабарламаға сәйкес әлеуметтік желілерден алынған дербес деректерді пайдаланатын боламыз.

Shell-дің клиентке көзқарасы

Біз жоғарыда аталған дереккөздерден жиналған ақпаратты сіздің жеке профиліңізді құру үшін және Shell тобымен өзара әрекеттесу сипатына байланысты кедергісіз қарым-қатынас жасау үшін біріктіреміз. Бұл сізге Shell тобына кіретін әртүрлі компаниялармен оңай қарым-қатынас жасауға мүмкіндік береді және сізге сәйкес келетін қызметтер мен өнімдерді әзірлеуге және сіздің қызығушылықтарыңызға сәйкес ұсыныстарды бейімдеуге көмектесетін сіз туралы ең жаңа ақпараттың болуын қамтамасыз етеді.

Өзіңізде Shell компаниясының осы ақпаратты қалай пайдаланатынын бақылау мүмкіндігі бар екендігіне назар аударыңыз. Сіз өзіңіздің дербес деректеріңізді осылайша біріктіруден бас тарта аласыз - төмендегі Бөлімді қараңыз

Біз сіздің дербес деректеріңізді бізде бұған заңды негіз болған жағдайда ғана өңдейтін боламыз.

Неліктен біз сіздің дербес деректеріңізді өңдейміз?

Осы Құпиялылық туралы хабарламада көрсетілген дербес деректер тек:`

• сіздің айқын білдірген келісіміңізбен;
• сізбен мәміле жасасу қажет болса(мысалы, ақы төленгені туралы ақпарат керек);
• егер мұндай мүдделер мүдделерді немесе негізгі құқықтар мен бостандықтарды бұзатын жағдайларды қоспағанда, тиісті Shell компаниясының / компанияларының заңды мүдделерінің мақсаттары үшін қажет болса; немесе
• егер Shell заңдық міндеттемені сақтауы қажет болса, өңделеді.

Өңдеу келісімге негізделген жағдайда, сіздің кез келген уақытта өз келісіміңізді қайтарып алуға құқығыңыз бар. Бұл өңделіп кеткен деректердің растығына әсер етпейді.

Егер дербес деректерді ұсынбаса не болады?

Егер сіз Shell қосымшасын пайдалану немесе Shell адалдық бағдарламасына қатысу үшін жоғарыда баяндалған ақпаратты бізге ұсынбауды құп көрсеңіз, сіз қосымшаның толық нұсқасын пайдалана алмайсыз және (немесе) Shell адалдық бағдарламасына қатыса алмайсыз.

Дербес деректерді жинауға кім жауапты болады?

Сіздің орналасқан жеріңізге байланысты сіздің дербес деректеріңізді өңдеу үшін Shell тобының компанияларының бірі дербес, сондай-ақ Shell компаниялар тобындағы өзінің үлестес тұлғаларымен бірлесіп жауапты болады. Тиісті компания сіздің елдің жергілікті сайтында көрсетілген.

Біз жүзеге асыратын дербес деректерді өңдеудің мақсаттары.

Дербес деректер қандай мақсатта өңделеді?

Біз сіздің дербес деректеріңізді мынадай мақсаттар үшін өңдейміз:

• сізге біздің өнімдер мен қызметтерді ұсыну;
• клиенттермен жұмыс жасау және сізбен байланыста болу және байланысты дамыту секілді маркетингтік іс-шаралар;
• есептік жазбаны басқару, соның ішінде есептік жазбаны тексеру (яғни сіздің немесе сіз уәкілеттік берген адамның сіздің есептік жазбаңызға және ақпаратыңызға қол жеткізуін қамтамасыз ету);
• клиенттерге қызмет көрсету және біздің өнімдер мен қызметтерді дамыту;
• нарықтық зерттеулер мен маркетингтік стратегияларды жүргізу және талдау;
• цифрлық сыйлықтарды жеңіп алу мүмкіндігімен Shell клиенттері арасында жарнамалық акциялар мен конкурстар өткізу, олардың көмегімен сіз бағалы клиент ретінде ерекшеленесіз; немесе
• Shell өнімдерін сатып алу үшін мобильді төлем функциясын пайдалану кезінде алаяқтық фактілерін анықтау немесе алдын алу (егер олар сіздің аймағыңыздағы нарықта қолжетімді болса);

немесе қосалқы мақсаттар үшін, егер олар негізгі мақсаттармен тығыз байланысты болса, мысалы:

• сіздің жеке деректеріңізді сақтау, жою немесе иесіздендіру;
• аудит немесе тергеу жүргізу, дауларды шешу немесе сақтандыру, сот талқылаулары және кінәраттардан қорғау;
• статистикалық, тарихи немесе ғылыми зерттеулер жүргізу; немесе
• заңдық және/немесе реттеушілік сипаттағы нормалар мен қағидаларды сақтау.
  

Байланыс пен маркетинг — сіздің таңдауыңыз

Егер сіз Shell хабарламаларын алуға келісім берсеңіз (немесе сіз бұрын бізден жергілікті заңмен рұқсат етілген тауарлар мен(немесе) қызметтерді сатып алған болсаңыз), сіз жоғарыда сипатталған әртүрлі дереккөздерден алынған, бізге сізге сәйкес келетін өнімдер мен мамандандырылған қызметтерді ұсынуға көмектесетін ақпараттың негізінде өзіңіздің қалауыңызға сәйкес келетін ұсыныстарды ала аласыз.

Біз сізге жаңартулар және (немесе) хабарламалар қосымшалардың немесе Shell-дің сіз пайдаланатын басқа сервистерінің дұрыс жұмыс істеуі үшін қажет болған жағдайда ғана сіздің алдын ала келісіміңізсіз сервистер туралы осындай жаңартулар мен хабарландыруларды жібере аламыз. 

Сіз әр түрлі байланыс арналары арқылы тиісті ұсыныстар және хабарландырулар ала аласыз және кез келген уақытта бірыңғай кіру есептік жазбасының теңшеулерінде жазылым параметрлерін жаңарта аласыз немесе әртүрлі цифрлық арналар үшін жазылымнан бас тарту функцияларын пайдалана аласыз.

Транзакциялардың қауіпсіздігі және алаяқтықтың алдын алу, оны анықтау және тергеу

Сіз Shell өнімдерін сатып алу үшін мобильді төлем қосымшасын пайдаланған кезде (егер олар сіздің нарықта қолжетімді болса), сізден транзакцияны аяқтау үшін қосымша дербес деректерді ұсынуды сұратуы мүмкін. Біз сіз берген дербес деректерді алаяқтықтың алдын алу, оны анықтау және тергеу үшін және мобильді төлем қосымшасын пайдалану шарттарының сақталуын қамтамасыз ету үшін пайдалана аламыз.

Біз мобильді төлемдерге қатысатын қызмет жеткізушілеріне (мысалы, PayPal) кейбір ақпараттарды, соның ішінде, шектеусіз IP-адресіңіз, құрылғы сәйкестендіргіші немесе бірегей сәйкестендіргіш, жоғарыда аталған мақсаттар үшін, сондай-ақ балл жинау үшін адал клиенттің карта нөмірі, құрылғының типі туралы ақпаратты, географиялық орналасқан жері, қосылымы (мысалы, Wi-Fi) және ұялы желі туралы ақпаратты бере аламыз. 

Сіздің құқықтарыңыз және оларды қалай іске асыру керек.

Сіздің дербес деректеріңізге қатысты құқықтарыңыз.

Біз сіз туралы барынша нақты ақпаратты сақтауға тырысамыз. Сіз мыналарды сұрата аласыз:

• өзіңіздің дербес деректеріңізге кіру рұқсатын;
• дербес деректеріңізді түзетуді немесе жоюды (бірақ егер олар енді ритейлермен транзакция жүргізу секілді заңды іскерлік мақсаттар үшін қажет болмағанда ғана);
• жарнамалық таратылымды енді алмауды;
• дербес деректеріңіздің белгілі бір шектерде өңделуін;
• жеке профиль құру үшін әртүрлі дереккөздерден алынған дербес деректеріңізді ендігәрі біріктірмеуді; және (немесе)
• егер бұл техникалық жағынан мүмкін болса, басқа тарапқа беру үшін құрылымдалған цифрлық түрде сіздің Shell-ға ұсынған дербес деректеріңізді алуды.

Осы сұратулардың кез келгенін орындау үшін Shell-дегі өзіңіздің есептік жазбаңызға өтіңіз немесе [еліңізге арналған құпиялылық туралы хабарламадағы байланыс деректері бойынша немесе] SITI-MLM-Support@shell.com адресі арқылы бізбен байланысыңыз.

Егер дербес деректеріңізге қатысты сұрақтарыңыз, алаңдаушылықтарыңыз, шағымдарыңыз туындаса, сіз кіммен байланыса аласыз?

Егер сізде дербес деректеріңізді өңдеуге қатысты мәселелер, сұрақтар немесе шағымдар туындаса, мұндай сұратулар жіберу немесе қосымша ақпарат алу үшін еліңіздегі құпиялылық саясатында көрсетілген байланыс деректерін пайдаланып немесе SITI-MLM-Support@shell.com адресі арқылы бізбен байланысыңыз.

Сондай-ақ, сіз Shell International B.V. дербес деректерді қорғау қызметінің басшысымен байланыса аласыз, Гаага, Нидерланд, — сауда тізілімі, № 27155369, пошталық мекенжайы: PO Box 162, 2501 AN, The Hague, немесе мына поштамен: privacy-office-SI@shell.com.

Егер сіз Shell компаниясының өзіңіздің дербес деректеріңізді сақтау сапасына қанағаттанбасаңыз, сіздің жеке деректерді қорғау жөніндегі жергілікті органға (егер бар болса) немесе Нидерландтың дербес деректерді қорғау жөніндегі органына мына мекенжай бойынша шағым беруге құқығыңыз бар: Prins Clauslaan 60, 2595 AJ, the Hague, The Netherlands (Нидерланд). Қосымша ақпарат https://autoriteitpersoonsgegevens.nl/en сайтында берілген.

Сізге барынша үздік пайдаланушы тәжірибесін ұсыну үшін веб-сайттарымызда cookie файлдарын қолданамыз.

Сookie файлдар мен ұқсас технологияларl

Shell компаниясы веб-сайтқа кірген кезде немесе Shell қосымшасын пайдаланған кезде ақпаратты жинауға және сақтауға арналған cookie-файлдар мен ұқсас технологияларды пайдаланады. Бұл Shell компаниясына сіздің интернет-браузеріңізді сәйкестендіруге және біздің веб-сайтты пайдалану, сіз кірген парақшалар, кірулердің ұзақтығы туралы деректерді жинауға және сізге біздің веб-сайтқа (сайттарға) кіруді ыңғайлы ету үшін осы деректерді пайдалануға мүмкіндік береді. Сіз браузердің параметрлерін реттеу немесе Shell веб-сайттарындағы Shell cookie файлдарын теңшеу құралын пайдалану арқылы cookie файлдарын бақылап, басқара аласыз. Қосымша ақпарат алу үшін келесі адрестегі Shell компаниясының cookie файлдарын пайдалану саясатын қараңыз https://www.shell.com.kz/kk_kz/cookie-policy.html.

Shell сіздің дербес деректеріңізді қорғау жөніндегі барлық шараларды қолдануға міндеттенеді.

Сіздің дербес деректеріңіздің қауіпсіздігі

Біз сіздің құпиялылығыңызды рұқсатсыз кіруден және лайықсыз пайдаланудан қорғауға арналған технологиялар мен саясатты іске асырдық. Атап айтқанда, біз кейбір қызметтерімізді шифрлауды қолдана аламыз, аутентификация және Shell сервистеріне қол жетімділікті тексеру процесін қолдана аламыз, сонымен қатар қауіпсіздік шараларымызды үнемі тексеріп, талдап, бағалай аламыз.

Жеке деректеріңізді кіммен бөлісеміз?

Біз дербес деректерді кімге береміз?

Сіздің дербес деректеріңіз жоғарыда көрсетілген мақсаттар үшін ғана өңделеді және оларды тек қызметтік қажеттілік жағдайында ғана мыналар пайдаланатын болады:

• Shell тобының басқа компаниялары; соның ішінде сіздің орналасқан жеріңізден тыс орналасуы мүмкін компаниялар;
• Сіздің келісіміңізбен Shell қосымшалары мен Shell адалдық бағдарламаларын пайдаланушыларға өнімдер және/немесе қызметтер жеткізетін Shell-мен бірге уәкілетті үшінші тараптар;
• Мобильді төлемдерді жүргізу қызметтерінің (PayPal, Apple Wallet немесе Android Pay секілді) авторландырылған жеткізушілері;
• Shell уәкілетті агенттері, лицензиаттары, қызмет көрсетушілері, сыртқы аудиторлары және (немесе) қосалқы мердігерлері;
• Қолданылатын заңдардың сақталуын қамтамасыз ету қажет болған жағдайларда тиісті Shell компаниясы/ компаниялары орындауға тура келетін заңды немесе нормативтік міндеттемені сақтау қажет болған кезде құзыретті мемлекеттік орган, үкімет, реттеуші, қадағалау, тергеу немесе қаржы мекемесі; немесе
• «Шелл» компаниясы өзінің кез келген құқықтарын және (немесе) міндеттерін беруді ұсынатын кез келген тұлға.

Тиісті қауіпсіздікті сақтай отырып, сіздің жеке деректеріңіз еліңізден тысқары жіберілуі мүмкін

Сіздің дербес деректеріңізді басқа елдерге жіберу 

Егер дербес деректер Shell Group компанияларына және (немесе) сіздің еліңізден тыс орналасқан уәкілетті үшінші тұлғаларға берілген болса, біз сіздің дербес деректеріңізді тек жоғарыда көрсетілген мақсаттар үшін және оларды қорғаудың тиісті деңгейі үшін өңдеуді қамтамасыз ету мақсатында ұйымдастырушылық, шарттық және заңнамалық шараларды қолданамыз. Бұл шаралар Shell тобы мен ЕО-дағы Shell компаниялары арасында деректерді беруге арналған міндетті корпоративтік қағидаларды, Еуропалық комиссия бекіткен дербес деректерді үшінші тараптарға беруге арналған деректерді беру механизмдерін, сондай-ақ кез келген қосымша жергілікті құқықтық талаптарды қамтиды. Shell компаниясының міндетті корпоративтік қағидаларының көшірмесі https://www.shell.com.kz/kk_kz/privacy.html немесе privacy-office-SI@shell.com сайтында қолжетімді.

Shell компаниясымен әлеуметтік желілер арқылы өзара әрекет ету

Егер сіз Shell компаниясымен оның ресми парағы арқылы Facebook, Instagram, Twitter немесе LinkedIn секілді әлеуметтік желілерде («Әлеуметтік желілердегі Shell парақшасы») арқылы байланысуға бел бусаңыз, Shell компаниясынан басқа сіздің дербес деректеріңіз (мысалы, сіздің атыңыз, аватарыңыз және Shell компаниясына қызығушылық танытқаныңыз) сіздің аккаунтыңыздың әлеуметтік желілердің тиісті платформасындағы құпиялылық теңшеулеріне қарай барлық келушілерге көрінетінін ескеріңіз. Сіз тиісті әлеуметтік желідегі есептік жазбаңызда өзіңіз көрсеткен кез келген деректерді кез келген уақытта жоя аласыз. Shell сіз пайдаланатын әлеуметтік желілердегі әрекеттеріңізді қадағаламайды. Әлеуметтік Осы құпиялылық туралы Хабарлама мезгіл-мезгіл жаңартылып тұрады. Сіз өзіңізде қандай болмасын проблемалар, соның ішінде әлеуметтік желілердегі Shell парақшасына қатысты проблемалар туындаған кезде, әркез Shell компаниясына хабарласа аласыз - төмендегі бөлімді қараңыз.

Сонымен қатар, Shell өзі тіркелген әлеуметтік желілердің платформасымен бірлескен жауаптылықта, Shell әлеуметтік желілердің платформасы арқылы әлеуметтік желілердегі Shell парақшаларында қандай әрекеттерді орындағаныңызды анықтауға көмектесетін статистикалық және талдамалық деректерді қамтитын біріктірілген деректерге қол жеткізе алады. Әлеуметтік желілердің платформаларында сіздің жеке деректеріңіздің қалай өңделетіні туралы, соның ішінде сіз алуға болатын кез келген мақсатты жарнама туралы қосымша ақпарат алу үшін өзіңіз тіркелген әлеуметтік желілердегі есептік жазбаңыздың құпиялылық теңшеулеріне кіріңіз.

Shell сіздің дербес деректеріңізді белгілі бір уақыт аралығында ғана сақтайд

Менің дербес деректерім қаншалықты ұзақ сақталады?

Осы Құпиялылық туралы хабарламаға сәйкес Shell компаниясы өңдейтін дербес деректер жойылады немесе иесіздендіріледі (осылайша сізді бұдан әрі сәйкестендіру мүмкін болмайды);

(1) егер сіз осы мерзім ішінде клиент болып қалсаңыз, әр 5 жыл сайын;
(2) егер сіз Shell есептік жазбаңызды жоюды немесе Shell адалдық бағдарламасына қатысуды тоқтатуды сұрасаңыз, дереу; немесе
(3) сіз жазылған қызметтерді соңғы пайдаланған сәттен бастап 3 жыл өткен соң (яғни, егер сіз біздің қызметтерімізді 3 жыл бойы пайдаланбасаңыз).

Сіздің дербес деректеріңіз қаржылық (соның ішінде Shell қосымшасын пайдалану арқылы жүргізілген) транзакциялардан кейін 10 жыл бойы сақталады.

Кез келген жағдайда ақпарат сақталуы мүмкін: a) бұл үшін заңды немесе нормативтік негіз болған неғұрлым ұзақ уақыт (бұл жағдайда деректер қажет болмай қалғаннан кейін бірден жойылады) немесе b) егер тұлға өзінің дербес деректерін өңдеуге қарсылық білдірсе және оларды одан әрі сақтауға заңды негіз болмаса, неғұрлым қысқа уақыт.

Бұл Құпиялылық хабарламасы уақыт өте келе жаңартылады.

Осы Құпиялылық хабарламасының өзгерістері

Осы Құпиялылық туралы хабарламаның талаптары өзгеруі мүмкін. Сондықтан біз осы Құпиялылық туралы хабарламадан болуы ықтимал өзгерістерді үнемі қарап отыруды ұсынамыз. Осы Құпиялылық туралы хабарлама соңғы рет 2022 жылдың қаңтар жаңартылды.