Student Energy Challenge
Student Energy Challenge
«Student Energy Challenge» конкурсы «ЭКСПО-2017» көрмесі өткен кезде пилоттық жоба ретінде іске қосылды. Жобаның мақсаты – қарқынды және тез өзгеретін әлем жағдайында жаһандық энергетикалық мәселелерді шешу үшін техникалық жоғары оқу орындарының студенттері арасында ғылыми-инновациялық жобаларды ынталандыру. Жоба серіктесі – «KAZENERGY» қауымдастығы.
Жалпы жүлде қоры 18 мың АҚШ долларын құрайды (1-орын – 10 000 АҚШ доллары, 2-орын – 5 000 АҚШ доллары, 3-орын – 3 000 АҚШ доллары). Конкурста жобалар бес бағыт бойынша қарастырылады:
- Тау-кен өндіру және өңдеу салаларындағы тиімділікті арттыру;
- Электр энергетикасы/энергияның жаңғыртылатын және баламалы көздері;
- Экология/денсаулықты қорғау;
- Өндіру салаларында цифрлық технологияларды және тиімді инновациялық шешімдерді ендіру;
- Су үнемдеу технологиялары.
Конкурс бірнеше кезеңмен өтеді, онда студенттер бейнетүйіндеме түсіреді, «Shell NXplorers» сыни ойлау дағдыларын дамыту тренингісіне қатысады, жобалардың паспорттарын дайындайды және ақтық сында өз жұмыстарын ұсынады. Конкурстың негізі қаланған күннен бастап оған 200-ден астам студенттік топ қатысты.
Толық ақпарат http://www.kazenergy.com/ru/operation/educational-program/156/1099/ сайтында берілген.
Shell Nxplorers
Shell Nxplorers
«Shell NXplorers» бағдарламасын «Шелл» концерні ғаламшар тағдырына бей-жай қарамайтын және жаһандық міндеттерді шешуді көздейтін болашақ көшбасшыларға арнап әзірледі. «Shell NXplorers» жастарды оң өзгерістерді жүзеге асыру үшін қажетті кешенді және креативті ойлармен таныстыратын инновациялық білім беру бағдарламасы болып табылады.
«Азық-түлік — су — энергия» тізбегін көздеген бұл бағдарлама БҰҰ-ның тұрақты даму мақсаттарының байланысын тереңірек түсінуге көмектеседі және хабардарлықты арттыруға, білімді кеңейтуге, ойлау әдістерімен және күрделі мәселелерді шешу дағдыларымен қамтамасыз етуге де бағытталған.
NXplorers бағдарламасы жастардың өздері үшін маңызды мәселелерге қатысты NX-ойлау қабілеттерін қолдануға көмектесетін он екі практикалық әдісті ұсынады. Бұл әдістер олардың проблемаларды зерттеуіне, ең қолайлы келешек сценарийлерді құруына және жағымды өзгерісті жүзеге асыруына көмектеседі.
«Shell NXplorers» бағдарламасы ауқымын әрі қарай кеңейту мақсатында «Мектептерге күн энергиясын жеткізу» жобасының аясында «Назарбаев зияткерлік мектептерінде» және «Назарбаев Университетінің» бизнес-инкубаторында іске асырылады. Сонымен бірге бағдарлама «Student Energy Challenge» конкурсының интегралдық бөлігі болып табылады.
Жыл сайын осы әдіснама бойынша 150-ге жуық студент, стартап иелері және мұғалімдер оқудан өтеді.
Толық ақпарат https://nxplorers.com сайтында берілген.
Шелл Эко-Марафон Азия
Шелл Эко-Марафон Азия
«Шелл» концерні әлемді энергия көздерімен қамтамасыз ету міндеттерін шешуге жауапкершілікпен қарайды. «Шелл Эко-Марафон» бағдарламасы аясында компания қазіргі заман көшбасшыларын болашақ инноваторларымен, сондай-ақ адамзатты энергиямен қамтамасыз ету мәселесінің экологиялық оңтайлы шешімдеріне қызығушылық танытатындардың барлығын біріктіреді.
«Шелл Эко-Марафон» – энергияны ең тиімді тұтынатын автокөліктерді жобалауға, құрастыруға және жүргізуге мүмкіндік беретін, бүкіл әлем студенттеріне арналған бірегей бағдарлама. Бастамасы 35 жыл бұрын көтерілген бағдарламаның мақсаты – студенттерге идеялар мен технологияларды іс жүзінде әзірлеу, білімдер мен дағдыларды дамыту мүмкіндігін беру және осының бәрі басқа командалармен бәсекелестікте жүзеге асады.
«Шелл Эко-Марафон» жобасына автокөліктердің мынадай екі класының қатысуына рұқсат етіледі: прототип және энергия тиімділігінің үш санатындағы қалалық концепт-авто: іштен жану қозғалтқышы, электрлік батареялар және сутекті отын.
Жыл сайын «Шелл Эко-Марафон Азия» жобасына Азия-Тынық мұхит аймағының, Орта Азияның және Таяу Шығыстың 20-дан астам елінен 120-ға жуық команда қатысады.
2018 жылдан бастап «Шелл Қазақстан» компаниясы «Шелл Эко-Марафон Азия» жарыстарына қатысқылары келетін Қазақстан Республикасының студенттік командаларына қаржылық және сараптамалық қолдау көрсетеді. Қаржылық көмекке қосымша, «Шелл Қазақстан» компаниясы студенттерге техникалық аспектілер бойынша және қауіпсіздік техникасы мен қоршаған ортаны қорғау мәселелері бойынша коучинг те ұсынады.
Қазақстаннан қатысатын командалар саны жыл сайын артып келеді. 2020 жылы «Шелл Эко-марафон Азия» жарыстарын Малайзияда 2–5 маусым аралығындағы кезеңде өткізу жоспарланған еді. Биылғы жылы Қазақстанның атынан «Назарбаев университетінен», «Сәтбаев университетінен» және «Алматы энергетика және байланыс университетінен» үш команда қатысады деп күтілген болатын.
Бүкіл әлемді шарпыған COVID-19 пандемиясына байланысты бұл жоба 2021 жылға ауыстырылды. Қазақстандық командалар өз прототиптерімен жұмыс істеуін жалғастыруда.
ЖОО-лармен ынтымақтастық
Мұнай-газ саласының мамандарын даярлау жөніндегі пилоттық жоба
«Шелл Қазақстан» ұлттық техникалық университеттер базасында мұнай-газ саласының мамандарын даярлау жөніндегі бірлескен индустриялық жобаға да белсенді қатысады. Бұл бағдарлама жас мамандардың дербестігіне уақытты қысқарту мақсатында Бүкіләлемдік Экономикалық Форум алаңында құрылды.
Қазақстан жоба жүзеге асырылатын ел болып, ал «Сәтбаев университеті» – пилоттық жоғары оқу орны болып таңдалды. Оған Колорадо жетекші мұнай-газ университетінің оқыту әдіснамасы беріледі, PhD ғылыми дәрежесіне іздену үшін профессор-оқытушылар құрамын даярлау жүргізіледі, сондай-ақ мұнай-газ компанияларының жетекші сарапшылары дәрістер оқиды және практикалық тәжірибе алу үшін компаниялардың бірлескен кәсіпорындарында ақысы төленетін тағылымдамалар ұсынылады.
Пилоттық жобаны іске асыру мерзімі – 2018-2021 жылдар.
