Білім
«Student Energy Challenge»
Командалық зияткерлік сайыс. Оның идеясы «ЭКСПО-2017» көрмесі барысында пайда болды. Байқаудың мақсаты – ЖОО және колледж студенттері арасында ғылыми-инновациялық жобалардың әзірленуін ынталандыру. Басталғаннан бері сайысқа еліміздегі оқу орындарынан 300-ден астам ЖОО командасы және 70-тен астам колледж командасы қатысты. Сайыс жеңімпаздарына жобаларын әрі қарай дамытуға арналған гранттар, оқу стипендиялары немесе өндірістік практика өту мүмкіндігі берілді.
Толық ақпарат: https://www.kazenergy.com/ru/operation/educational-program/156/1099/
«NXplorers»
Инновациялық ойлау дағдыларын ілгерілету және дамыту мақсатында «Шелл» концерні әзірлеген авторлық бағдарлама сыни және шығармашыл ойлау дағдыларын дамытатын және күрделі мәселелерді шешуге септігін тигізетін құралдар ұсынады. ҚР аумағында бұл бағдарлама Батыс Қазақстан және Атырау облыстарындағы мектептерде және «Student Energy Challenge» байқауының кезеңдерінің бірі ретінде жүзеге асырылады. Бағдарламаға 3000-нан астам оқушы және 1150 мұғалім қатысып үлгерді.
Толық ақпарат: https://zhasylurpak.com/
Сондай-ақ «Шелл Қазақстан» ұлттық техникалық университеттерге арналған мұнай-газ саласының мамандарын даярлау оқу бағдарламасын әзірлеуге белсенді түрде атсалысады. Пилотттық ЖОО ретінде Сәтпаев Университеті таңдалған болатын. Онда алдыңғы қатарлы Колорадо мұнай-газ университетінің (Колорадо штатының жоғары тау-кен және техникалық университеті) академиялық оқыту бағдарламасы берілуде, профессор және оқытушы құрамын PhD ғылыми дәрежесін алуға даярлау жүргізілуде, ғылыми жұмыстарды әзірлеуге қолдау көрсетілуді және «Шелл» сарапшыларының дәрістері өткізілуде.
Жол қауіпсіздігі
Батыс Қазақстан облысында жүзеге асырылатын Жол қауіпсіздігі бағдарламасы жол қозғалысы қауіпсіздігін жақсарту мәселелерін шешеді және жүргізушілер мен жаяу жүргіншілерге арналған жол қауіпсіздігі саласындағы озық тәжірибелерді үйретуге ерекше назар аударады. 2019 жылғы наурыз айында «Шелл Қазақстан» компаниясы аймақтағы жол қауіпсіздігі жағдайын тереңірек зерттеуге күш-жігерді жұмылдыру және алдағы уақытта оны жақсарту бойынша бірқатар бастамаларды бірлесіп жүзеге асыру мақсатында Батыс Қазақстан облысының (БҚО) әкімдігімен, «Аджип Қарашығанақ БВ» компаниясымен және EASST Қауіпсіз және тұрақты көлік үшін Шығыс альянсымен Жол қауіпсіздігі саласындағы ынтымақтастық туралы меморандумға қол қойды. 2022 жылы Меморандум мерзімі үш жылға ұзартылды.
Жоба жүзеге асырыла бастаған мезеттен бастап, қызметтің бағыттаушы құжаты ретінде Жол қауіпсіздігі жөніндегі стратегия қабылданды. Бағдарламаға, мектеп оқушыларын қосқанда, 150 000-нан астам бенефициар қатыстырылды, 900-ден астам мұғалімге арнап жол қауіпсіздігі жөніндегі білім беру пакеттерін пайдалану бойынша тренингтер өткізілді, сондай-ақ 2700 жүргізушіге, құқық қорғау және төтенше жағдай органдарының өкілдеріне және ҮЕҰ мен еріктілер ұйымдарының өкілдеріне арналған тренингтер өткізілді.
Бұдан басқа, бағдарлама серіктестері жол қауіпсіздігі бойынша интерактивті алаңдар орнатуда, оқиғалардың себептерін талдауға мүмкіндік беретін облыстың ЖКО картасын әзірлеу және қолдау жұмысы жүргізілуде.
Дағдыларды және ШОБ дамыту
Shell LiveWIRE
40 жылдық тарихы бар «Шелл» концернінің шағын және орта бизнесті қолдауға арналған жаһандық бағдарламасы жас кәсіпкерлерге өз бизнесін бастауға көмектесіп, өңірлердің экономикалық дамуына серпін береді. Қазіргі таңда әлемнің 20 елінде жұмыс істейтін бұл бағдарлама ҚР аумағында 2018 жылдан бері қызмет етіп келеді және жергілікті мекемелерге қосымша мүмкіндіктер жасайды.
Бағдарламаның негізгі құралдары – консалтингтік қызметтерді бірлесіп қаржыландыру, басым бағыттар бойынша тренингтер өткізу, бизнес-байланыстарды орнатуға жәрдемдесу, жеке коучинг және кәсіпкерлерге жобадан кейін қолдау көрсету. Бағдарлама іске асырыла бастағаннан бері 2400-ден астам кәсіпкер қаржылық емес қолдау алды және 750-ге тарта жұмыс орны құрылды.
Толық ақпарат: https://www.livewire.shell/
ORLE
2021 жылы іске қосылған пилоттық жоба компаниямыздың жұмыс істейтін аймақтардағы осал қауымдастықтарды қолдауға бағытталған. Жоба шаруа қожалығын жүргізу (жылыжай ісі) және қолөнер дағдыларымен қатар, маркетинг пен бизнесті жоспарлаудың негізгі дағдыларын үйретеді және шағын бизнесті бастау үшін бастапқы қорлармен қамтамасыз етеді. Жобаның екі кезеңі нәтижесінде 118 адам оқудан өтті, шаруа қожалығын жүргізу саласында 17 түлек бастапқы қорларға ие болып, микробизнес ашса, қолөнер саласында 15 адам кәсібін бастады.
ORLE Tech
2022 жылы Батыс Қазақстан және Маңғыстау облыстарында іске қосылған жастар арасындағы осал топтарға арналған веб-дизайнер (Tilda және WordPress сайттарын құру) және бағдарламалық жасақтаманы тестілеу секілді заманауи цифрлық мамандықтарды игеруге мүмкіндік беретін пилоттық жоба. Пилоттық кезеңнің нәтижесінде 36 қатысушы оқудан өтіп, заманауи мамандықтарды меңгерді. Түлектер арасында 23 веб-шебер және 13 тестілеуші бар. Ең жоғары көрсеткіштерге жеткен студенттер өңірдің түрлі ұйымдарында жұмысқа орналасуға мүмкіндік алды, ал 12 үздік студент өздерінің алғашқы коммерциялық келісімшарттарын жасады.
Энергетикалық ауысым
«Мектептерге күн энергиясы»
2018 жылы «Шелл Қазақстан» компаниясы «Назарбаев Зияткерлік мектептері» ДББҰ-мен бірге, ҚР Энергетика министрлігінің қолдауымен «Мектептерге күн энергиясы» пилоттық жобасын іске қосып, оны 2023 жылы аяқтады. Бұл жобаның мақсаты республиканың 5 мектебінде жаңартылатын энергияның төмен қуатты электр жүйелерін салуға арналған бірегей платформа жасау болды. Жоба бірнеше өзекті мәселені шешуге бағытталған: жас буынды нақты ғылымдарды үйренуге, технология мен инновацияны және кәсіпкерлікті игеруге ынталандыру, Қазақстандағы энергетикалық ауысым туралы білімдерін арттыру, т.б. Бұл бастама әр мектепке арналған күн фотоэлектр панельдерімен жабдықталған арнайы «толықтай дайын» жүйелерді жобалауға, қамсыздандыруға және салуға жергілікті компанияларды тарту ісіне де назар аударады. Жоба аясында компания қазақстандық жасөспірімдерді энергетикалық ауысым мәселелерін зерттеуге ынталандыру және энерготиімді ойлау жүйесін қалыптастыруға көмектесу үшін оқушылар мен ұстаздарға арнайы «Шелл Nxplorers» оқу бағдарламасын ұйымдастырады.
«Мектептерге күн энергиясы» жобасы «Назарбаев Зияткерлік мектептері» базасында Қазақстанның 5 қаласында іске асырылды: Астана, Орал, Атырау, Ақтау және Түркістан. Фотоэлектр панельдерінен тұратын жүйелер аталған мектептердің қажеттіліктерін қанағаттандыруға арналған және әр мектепке 100 кВт энергия жасауы көзделген. Бұл жүйелер мектептердің жылдық энергия тұтынуының 30%-на дейін қамтуға, коммуналдық қызметтерге жұмсалатын шығындарын қысқартуға және өндірілген артық энергияны қала желісіне бағыттап, энергияны едәуір үнемдеуге мүмкіндік береді.
«Шелл эко-марафоны».
2017 жылдан бері «Шелл Қазақстан» қазақстан студенттерінен құралған командаларға ең энерготиімді автокөлік үлгісін жасау бойынша Азия, Тынық мұхиты және Таяу Шығыс елдері арасында ұйымдастырылатын «Шелл эко-марафоны» халықаралық сайысына қатысуына қолдау көрсетеді. Жыл сайын сайысқа Қазақстаннан кемінде екі команда қатысып, энерготиімді автокөлік үлгісін өздері әзірлеп, таныстырады.
Толық ақпарат: https://www.makethefuture.shell/en-gb/shell-eco-marathon/2023-programme-on-track
ҮЕҰ-мен ынтымақтастық
ЭкоБатыс жобасы
«Шелл» концернінің «Прогрес энергиясы» стратегиясы көміртексіздендіруге бағытталған және Қазақстанның 2060 жылға көміртегі бейтараптығына қол жеткізу мақсатына сәйкес келеді. Елдегі ең ірі инвесторлардың бірі ретінде «Шелл Қазақстан» экологиялық бастамаларға қолдау көрсету арқылы осы мақсаттарға жетуде өз үлесін қосады.
«Прогресс энергиясы» стратегиясының негізгі бағыттарының бірі – «Табиғатты аялау» мақсаты. Қазақстанда «Шелл» осы бағытта жұмыс істейтін жергілікті қоғамдармен ынтымақтасуды жоспарлап отыр. «ЭкоБатыс» жобасы Батыс Қазақстан өңіріндегі БҚО, Атырау және Маңғыстау облыстарындағы үкіметтік емес ұйымдарға экологиялық бастамаларын іске асыруына қолдау көрсетуге бағытталған. Жыл сайын өз жобаларын жүзеге асыру үшін грант алу мақсатында бағдарламаға аталған аймақтардан 30-ға жуық үкіметтік емес ұйым қатысады.
Осы жоба аясында жасалған жұмыстар нәтижесінде жергілікті үкіметтік емес ұйымдар 4000-нан астам жас жеткіншекке арналған жүзге тарта экологиялық ағарту және профильдік оқыту шараларын жүргізіп, 700-ден астам еріктіні жұмысқа қатыстырып, нақты өзгерістердің жолашарлары бола білді.
