Жарқын идеялар байқауында іріктелген 29 топтан үш жеңімпаз топ анықталды.

Үш айға созылған шығармашылық пен талпыныс сайысынан кейін «Student Energy Challenge» байқауының жеңімпаздары жарияланды және «Шелл Қазақстан» компаниясы мен оның серіктесі «KAZENERGY» қауымдастығы осы байқауды жыл сайын өткізетінін хабарлады.

Тәуелсіз қазылар алқасы іріктеген Қазақстанның үш өңірінен келген университет өкілдері, яғни бірінші, екінші және үшінші орындарды иеленген топтар мыналар: Әл-Фараби атындағы Қазақ ұлттық университеті атынан қатысқан «Synergy» тобы; Назарбаев университеті атынан қатысқан «NU Arlans» тобы және М. Қозыбаев атындағы Солтүстік Қазақстан мемлекеттік университеті атынан қатысқан «Творческий союз» тобы.

Жеңімпаздар 7 және 8 қыркүйекте Астана қаласында XІ KAZENERGY Еуразия форумы шеңберінде өткен IX Жастар форумы барысындағы байқаудың соңғы екі айналымы нәтижесінде іріктеп алынды.

Конкурс жеңімпазы атанған топ «Шелл Қазақстан» компаниясынан жүлде ретінде 10 000 еуро алды, сондай-ақ мамандардан техникалық/іскерлік салада сабақ алатын болады. Екінші және үшінші орын алған топтар тиісінше 5 000 және 3 000 еуро алды, сондай-ақ мамандардан техникалық/іскерлік салада сабақ алатын болады.

«Шелл Қазақстан» компаниясының төрағасы Оливье Лазар байқау туралы былай деді: «KAZENERGY» қауымдастығымен бірлесе осы байқауға мұрындық болып, демеу көрсеткенімізді мақтан тұтамыз, себебі энергияның болашағы жастардың қолында деп білеміз.

«Student Energy Challenge» байқауында ұсынылған материалдардың сапасы керемет болды және бұл Қазақстаннның қазіргі жастары арасында көптеген дарын иелері бар екенін білдіреді. Бұл байқауға қатысқаннан алған тәжірибе осы студенттер мен басқаларды болашақта өз идеяларын ортаға салып, оларды шынайы шешімге айналдыруға жігерлендіреді деп үміттенеміз.»

Сонымен қатар, Лазар мырза алғашқы байқаудың таңғаларлық жетістігіне байланысты «Student Energy Challenge» байқауы Қазақстанның техникалық университеттерінің студенттері арасында жыл сайын өткізілетін шараға айналатынын хабарлады.

«Биылғы байқауда ортаға салынған және алдағы жылдарда ұсынылатын жарқын идеялардан Қазақстанның болашақ энергиясы пайда көреді деп үміттенеміз», — деді ол.

«Student Energy Challenge» байқауы туралы қосымша ақпаратты мына сайттан қараңыз: http://www.kazenergyforum.com/youth-forum-news

Сондай-ақ, бұл бөлімде

Кім біз мұндай

Танысыңыз даму тарихымен бренд «Шелл», ол басталды, шамамен 200 жыл бұрын шағын дүкен ашылды.

Немен айналысамыз

Концерні «Шелл», біріктіреді, энергетикалық және мұнай-химиялық компания жұмыс істейтін 70-тен астам елдерде. Қызметкерлердің жалпы саны концернінің — 93 000 адам.