Бүгінгі әлем қызықты да серпінді, әрі қарқынды дамуда. Бүкіл әлемнің өмірі жақсаруы үшін, қазіргі жүйелердің негізінде жаңа энергетикалық жүйелерді қалай дамытуға болады? Біздің ойымызша, тек қана бірлесіп күш салыссақ, инновациялық технологияларды пайдаланып, болашаққа оптимизммен қарап, қоғамның барлық мүшелерімен серіктестік құру арқылы ғана біз болашағымызды бүгіннен бастап құра аламыз. Бұл бүкіл ғаламдық энергетикалық мәселе. Оның жаңа шешімдерін табу үшін, біз жас мамандарды «Student Energy Challenge» байқауына қатысуға шақырдық.

2017 жылдың 5 маусымында «Student Energy Challenge» интеллектуалды ұжымдық байқауға тіркелу аяқталды. Тіркелу мерзімінің аяқталуына дейін Қазақстанның 20 жоғары оқу орындарынан техникалық мамандықтардың студенттері қатысқан 47 топтан сұранымдар қабылданды.

«Шелл» концернінің Қазақстандағы Төрағасы Данкан ван Бергеннің айтуынша «Қазылар алқасының жұмысы оңай болған жоқ. Бізді жоғары оқу орындардың студенттерінен келіп түскен сұранымдардың көп болғаны және олардың жоғары сапалы инновациялық шешімдерді ұсынатыны қатты қуантты».

Конкурстың қазылар алқасы келесі айналымына өткен сегіз топты анықтады:

  • «Triple E» командасы (Назарбаев Университет);
  • «Black Diamond» командасы (Қазақстандық-Британдық Техникалық Университет);
  • «Творческий союз» командасы (М. Қозыбаев атындағы Шығыс Қазақстандық мемлекеттік университет);
  • «Callisto» командасы (Алматы энергетика және байланыс университеті);
  • «NU Arlans» командасы (Назарбаев Университет);
  • «Synergy» командасы (Әл-Фараби атындағы Қазақ ұлттық университеті);
  • «22A Satpayev st.» командасы (Қ.И.Сәтбаев атындағы Қазақ ұлттық техникалық зерттеу университеті);
  • «Next generation» командасы (Ш. Есенов атындағы Каспий мемлекеттік технологиялар және инжиниринг университеті).

Конкурстың келесі сатысына өткен топтар 20 тамызға дейін аяқталған жобаларын ұсынып, 7 қыркүйекте Астана қаласында XІ KAZENERGY Еуразия форумы шеңберінде өтетін IX Жастар форумы кезінде жобаларын қазылар алқасының алдында таныстыруы және қорғауы тиіс. Нәтижесінде қазылар алқасы 8 қыркүйекте финалға қатысушы үш ұжымды іріктейді.

Конкурс жеңімпазы атанған ұжым «Шелл Қазақстан» компаниясынан жүлде (10 000 еуро) және үздік тәлімгерлерден техникалық/бизнес шеберлік кластарын алады. Екінші және үшінші орын алған ұжымдар тиісінше 5 000 және 3 000 еуро, сондай-ақ үздік тәлімгерлерден техникалық/бизнес шеберлік кластарын алады.

Байқауға қатысты ақпарат алу және IX Жастар форумының жұмысына қатысу үшін www.kazenergy.com сайты арқылы тіркеліңіз.

Сондай-ақ, бұл бөлімде

Кім біз мұндай

Танысыңыз даму тарихымен бренд «Шелл», ол басталды, шамамен 200 жыл бұрын шағын дүкен ашылды.

Немен айналысамыз

Концерні «Шелл», біріктіреді, энергетикалық және мұнай-химиялық компания жұмыс істейтін 70-тен астам елдерде. Қызметкерлердің жалпы саны концернінің — 93 000 адам.